Sebastian Bichlmaier

Lieber Opa, i konn ned glam, dass du scho 19 Jahr nimma do bist. Des is so lang und immer no vermiss i di und deng so oft an di. I dad ma so wünschn, dass du no bei uns und Teil vo meim Lebn warst. Du bist as leider nur no in meim Herz und in meiner Erinnerung. Danke, dass du der beste Opa der Welt für mi warst und mir so vui Liebe gschenkt host, dass bis an mei Lebnsende glangt, a wenn du nimma do bist. I hob di lieb, dei Spoz

A wenn i scho a Zeitl koa Kerzal mehr für di o zundn hob, deng i ganz oft an di, lieber Opa ❤️ Und nix hätt i heid liaba do ois mid dir Geburtsdog zu feiern. Dir zu gratuliern. Mit dir zu lacha. Ganz gleich wos, hauptsach mit dir zam sei. I vermiss di immer no so sehr, Opa!

Lieber Opa, i konns ned glam, dass du heid aufn Dog genau scho seit 18 Jahr nimma do bist. I vermiss di immer no so fest. Mei hoibs Lem bin i jetz ohne di... aber so vui Liebe wie du mir ois Kind gschenkt host, langt des no für den Rest meines Lems. I hob di lieb und deng an di, dei Spoz

Lieber Opa, i wünsch da ois Guade zu deim Geburtsdog heid und dad da sooo gern persönlich gratuliern und die fest umarma ❤️ I bin traurig, dass des nimma gäht und deng fest an di! Hob di lieb, dei Spoz

A Geburtsdogskerzn für d Oma ❤️ Wos gabs Scheenas ois dass mia heid olle mitnand hättn feiern kenna?! A wenn des nimma gäht deng i fest an eich... Und i hob eich lieb ❤️